Տաթև Ասրյան
Դի-Վի-Վի Ինթերնեյշնալի հայաստանյան գրասենյակ
Համակարգում է «Պատմության մրցույթներ» նախագծի իրականացումը Հայաստանում, այդ թվում՝ աշխատանքը փորձագետների, հանրակրթական դպրոցների ուսուցիչների և աշակերտների հետ՝ կապ պահպանելով միջազգային և տեղական գործընկերների հետ։
Արևիկ Հարությունյան
Դի-Վի-Վի Ինթերնեյշնալի հայաստանյան գրասենյակ
Աջակցում է ծրագրի համակարգման աշխատանքներին, այդ թվում՝ դասընթացների և այլ միջոցառումների կազմակերպմանը։
Նոնա Պողոսյան
«Մասնակցային դպրոց» կրթական հիմնադրամ
«Մասնակցային դպրոց» կրթական հիմնադրամի քարտուղար, ծրագրերի համակարգող։ Կոտայքի մարզի Արամուսի Վ․Առաքելյանի անվան միջնակարգ դպրոցի տնօրեն, կրթության կազմակերպման ուսումնական գործընթացի կառավարման և ղեկավարման ոլորտի մասնագետ։ Իրականացնում է ուսուցիչների և տնօրենների վերապատրաստման դասընթացներ տարբեր ծրագրերի շրջանակներում։
Ծրագրի շրջանակում համակարգում է ուսուցիչների հետ աշխատանքը։
Լուսինե Խառատյան
Մշակութային մարդաբան և արձակագիր, ՀՀ Գիտությունների ազգային ակադեմիայի Հնագիտության և ազգագրության ինստիտուտի գիտաշխատող և «Հազարաշեն» Ազգաբանական հետազոտությունների հայկական կենտրոնի անդամ: Աշխատել է տարբեր ազգային, միջազգային և երկկողմ զարգացման կազմակերպություններում և ՀԿ-ներում, դասավանդել է Հայաստանի տարբեր բուհերում:
Լուսինե Խառատյանի հետազոտությունները, հրապարակումները և գործնական աշխատանքն ընդգրկում են բանավոր պատմության, հիշողության քաղաքականության, սահմանի մարդաբանության, կրթության ոլորտները, քաղաքական բարեփոխումների սոցիալական/մշակութային ազդեցությունը և քաղհասարակության կազմավորումը, ինչպես նաև ազգային փոքրամասնություններին, հաշտեցմանը և կոնֆլիկտների լուծմանը, փախստականների ինտեգրմանն առնչվող հարցեր: Իրականացրել է բանավոր պատմության և տեղական պատմության մի շարք հետազոտական և ուսումնական ծրագրեր:
Շուշանիկ Սարատիկյան
Շուշանիկ Սարատիկյանը ԵՊՀ պատմության ֆալուլտետի շրջանավարտ է։ ՀՀ Գիտությունների ազգային ակադեմիայի Հնագիտության և ազգագրության ինստիտուտի հետազոտող է և «Հազարաշեն» Ազգաբանական հետազոտությունների հայկական կենտրոնի անդամ: Իրականացրել է մարդաբանական հետազոտություններ Հայաստանի և Արցախի հասարակական-տնտեսական կյանքի և կրթական ոլորտներում, ուսումնասիրել է հայոց նյութական և ոչ նյութական մշակութային ժառանգության կիրառական և ներդրումային խնդիրները։ Զբաղվել է ազգային և կրոնական փոքրամասնությունների իրավունքների պաշտպանությամբ։ Աշխատում է տեղական և միջազգային տարբեր ՀԿ-ների հետ։ Հետազոտում է Լեռնային Ղարաբաղից բռնի տեղահանված մեր հայրենակիցների ինտեգրման խնդիրները։ Զբաղվում է նաև ՀՀ-ում անկախ մեդիայի զարգացմամբ։
Սմբատ Հովհաննիսյան
Պատմաբան, բանաստեղծ և թարգմանիչ։ Ավարտել է Երևանի պետական համալսարանի Պատմության ֆակուլտետը։ Դասավանդում է Համաշխարհային պատմություն առարկան նույն ֆակուլտետում, ինչպես նաև Հայաստանի ամերիկյան համալսարանում: Հեղինակել է մեկ մենագրություն, ավելի քան 40 ակադեմիական հոդվածներ, ինչպես նաև բազմաթիվ թարգմանություններ (Ռոլան Բարտ, Ժակ Դերիդա, Ժան-Պոլ Սարտր, Ալբեր Քամյու, Յուրի Լոտման, Օսիմ Մանդելշտամ, Ռայներ Մարիա Ռիլկե և այլն)։
Սմբատ Հովհաննիսյանի ակադեմիական հետաքրքրությունները ներառում են պատմագիտության, քաղաքակրթության, նշանագիտության և պատմության տեսությունները, հայկական և միջազգային առևտրային կապիտալի հիմնախնդիրները նախաարդյունաբերական և արդյունաբերական ժամանակաշրջաններում:
Հեղինակել է ՀՀ հանրակրթական դպրոցների յոթերորդ դասարանի պատմություն առարկայի դասագիրքը՝ հիմնված պետական նոր չափորոշչի վրա, ինչպես նաև դասագրքի ուղեցույցը։